طريقة عمل سلطة البطاطس مع طبقات الخضار


سلطة البطاطس مع طبقات الخضار


سلطة بطاطس بشكل جديد ومميز مع طبقات من الخضار الذيذ بالوان الربيع الجميلة لذيذة ومتكاملة العناصر الغذائية وممكن تكون هذة السلطة بديل لوجبة الغذاء او العشاء او لاصحاب الدايت والتخسيس وايضا ممكن تتقدم فى العزايم والحفلات والمناسبات لانها من المقبلات والوانها من الوان الربيع المبهجة

المقادير :-

  • نصف كيلو بطاطس مسلوقة ومهروسه 
  • نصف ملعقة صغيرة كركم 
  • ملح - فلفل اسود 
  • 2 فص ثوم مهروس 
  • كوب فلفل الوان مقطع 
  • ربع كوب زيتون اخضر مخلى 
  • خبز شامى اسمر دايت 
  • شرائح جبنة بريزيدون لايت 
  • كمون - كزبرة ناشفة 
  • ثوم وبصل بودر 
  • ملعقة كبيرة زيت 
  • ملعقة كبيرة مسطردة 
  • تونة مهروسة او كوب جمبرى سوتية 
  • كوب جزر مبشور 
  • شرائح خس 
  • فلفل اخضر رومى وحار مقطع شرائح صغيرة 
  • كاتشب ومايونيز
سلطة البطاطس مع طبقات الخضار


طريقة عمل سلطة بطاطس مع طبقات الخضار :-


تسلق البطاطس فى ماء وملح وكركم سلق جيد وتهرس ببعض من ماء السلق تهرس تماما حتى تكون بيورية ونضع عليها ملح وفلفل وثوم مهروس وكمون وكزبرة ناشفة والثوم والبصل البودر وملعقة الزيت ونقلبها 

ثم نضع التونة فى بولة ونهرسها بالشوكة ولوعندنا جمبرى صغير بنعملة سوتية ونستعملة بدل التونة بنقلب على التونة الكاتشب والمسطردة والمايونيز والزيتون الاخضر وبتكون التونة مصفاة تماما من الزيت 

ثم نحضر قالب توست ونبطنة بكيس بلاستيك ونضع فية اول طبقة بتكون من الماش بوتيتو اللى عملناها ثم طبقة تونة اوجمبرى 
ثم نقطع الخبز الاسمر مكعبات ونتبلة بالملح والفلفل والتوابل وملعقة زيت ونضع طبقة خفيف من الخبز المقطع فوق التونة 

ثم طبقة بطاطس بيورية ثم نضع الخضار بالطريقة اللى تحبيها وبالترتيب اللى تحبية مع الزيتون الاخضر والفلفل الالوان ثم نضع
شرائح الجبنة ثم طبقة بطاطس وطبقة تونة واخر طبقة بتكون من الخبزثم تضغطى جامد جدا على القالب ثم تقلبية فى طبق 

التقديم وتزينى الوجة بالجبنة المقطعة بالقطاعة على شكل زجزاج وتقدم احلى سلطة وبالهنا والشفا